Vlorë/ Gjenden trupat e dy peshkatarëve amatorë italianë, të zhdukur prej ditësh

Janë gjendur në ujrat e Vlorës kufomat e dy peshkatarëve amatorë të zhdukur qëkur ishin nisur nga porti i Torre Santa Sabina.

Kështu,  trupat e 48-vjeçarit Sante Lanzilloti dhe 46-vjeçarit, Francesko De Blasi, dy peshkatarë, tani janë në Vlorë dhe do të dërgohen në Itali për hetime të mëtejshme.

Familjet e dy viktimave janë nisur për në Shqipëri për të bërë identifikimin e trupave pasi janë vënë në dijeni nga Policia e Brindisit.

Duket se vdekja ka ardhur nga mbytja, por kjo do të duhet një autopsi e autorizuar nga prokuroria e Brindisit që ta konfirmojë zyrtarisht vdekjen e tyre.